مراحب كبار كبار
لأحلى وأغلى زوار ومدونين ومارين على مدونتى المتواضعه
ياجماعة الخير في شي غريب عجيب قاعد يصير
سمعوا سالفتي ولاتستعيلون فهموها وقولولي شالحل
الصبح أعين من الله خير وأروح الدوام كأي موظفه بالكويت
المهم يايكم الحجي
دشيت المكتب و كالعاده مداومه مبجر محد مداوم بالمكتب غيري والسكوت والهدوء بارجاء المكان فكنت قاعده بروحي ماكو شغل لأني ما أحب أخلى الشغل قبل مااطلع من الدوام
صارت الساعه 8:30 وبدشت البنات وتيمعنا وأهمه قاعدين ياكلون وأنا ماسكه القهوه
ما أشوف إلا هندي وماسك باقه ورد كبيره
وقال :- مني تخطيط ومتابعه
قالتله وحده من البنات:- اي
قال :- شيماء الكندري وين
جان اقوله :- انا
ونظره غريبه عجيبه من بعض البنات وتخزز وبعض الكلمات الجانبيه
المهم استلمته عادي
قال لي :- وقعي على الاستلام
واشوف الورقه علشان اتأكد حقي ولا لأ
شفت اسمي وقطاعي وادارتي ومحد اسمه جذي غيري المهم خذيته
ولقيت كرت محطوط على الورد وفيه من كلمات الحب والعشق والهيام
وخذينا الموضوع على ضحك وقاعدين نتسائل من منو ياترى هالورد
هالحجي كان يوم الاربعاء
::::
صار يوم الاحد
وداومنا وكان عندي شغل ونزلت ورحت الميزانيات وبصعدتي رن تلفوني
وقلت :- دانوووووه شتبيييين حلي عن سماي كاني ماراح اطير ياااايه المكتب
قالت لى :- ماخطفوج لي الحين حسافه كنت بستولى على مكتبج
قلت لها :- الشره علي رديت عليج هين اراويج
قالت لي :- انزين سمعيييييييني ياج شي واستلمته بدالج
قلت لها:- تبطل الاصنصير ويايتج اشوف شسالفتج اليوم
دشيت ولا اشوف باقه ثانيه ومن منو محد يدري
انا طقتني البوهه
جان يفر الدم براسي
قلت لها :- دانووووووه ليش تستلمينه
قالت لى :- شيوم شفيج سألته وقالى هذا نفر ييجي ويقول هذا عنوان وصل
قلت لها :- دانوه ترى السالفه عجيبه من منو ياربي
قالت لى :- اى يبه الورد قمييييييل ومنوقدج لج معجبينج
قلت لها :-وييييييه عاد الله والمعجبيين خليني اشوف الكرت لعل وعسى كاتب اي شي علشان نعرف منو
ولا الكرت فيه كلام حب
يوم الثلاثاء عالساعه 10 تقريبا
دخلوا المكتب اثنين من الموظفين اللى بالوزاره وهندي معاه ورد وعلبه فيها ككاو
قال لى واحد من الشباب :- انتو اداره التخطيط والمتابعه
قلت له :- اي
قال :- في وحده عندكم اسمها شيماء الكندري
قلت له:- انا
فابتسم وقال :- هالهندي صارله ساعه يحوس وراحوا
سألت الهندي من منو
قال لى بلهجته الهنديه .. مايعرف انا يوصل بس .. ؟؟
قلت له :- وانا معصبه محد راح يستلمه
اهو انصدم من ردة فعلي وراح
شوي وتيييني وحده تسألني من منو
قلت لها :-علمي علمج وياليت اعرف من منو علشان اقوله مشكور
وأسأله شالمناسبه يايبلي هالورد
فقالت لى:- شيماء صرتي حجوه بحلوج البنات
رديت عليها وقلت :- كلن يرى الناس بعين طبعه
وحالى من حالكم لو اعرف منو جان قلت ليش اسكت
فهذي وحده كلمتنى فمابالكم بلي يتحجون من ورى ظهري
ويقرضون من وراي
وتعتقدون بتستمر سلسة الورود وشنو اللى اتبعه علشان اوقف هالشي
هناك 96 تعليقًا:
لوووول الصراحه سالفه غريبه
لكن الاغرب التصرف الي يتبعه الشخص هذا
وبالنسبه للبنات الله يعينج عليهم الصراحه...وصج كل من يرى الناس بعين طبعه...
بس مدام انتي مو مومسويه شي غلط
لاتعبيرنهم :)
وصدقيني بي يوم وتعرفين منو الشخص
هذا...وعلى قولت المثل القديم الي بالجدر يطلعه الملاس
:P
اى والله يعني صج شي يحير ومادري منو المصيبه ان احنا بنعرف منو محنا قادرين ويوم شفنا بالبطاقه ثلاث اكسات قلنا اكيد من ثلاث احرف اسمه
شيرنا لي الراس بس ماعرفنا منو
واليوم ياي مال الورد والككاو وياه
وقلناله محد اسمه شيماء روح صج شي يقهر
ادرى الحمدلله واثقه من نفسي بس موحلوه احد يتحجى عرفتي يعني اهم ماعند الانسان سمعته \\
الله يعين
ويارب اييي اليوم اللى اعرف المعجب السري وناطره الملاس واللى يطلعه
صبااح الورد
ومعروف الورد للورد
:)
والله اتوقفين السلسله صعبا
ههههههههههه
انا اقول استمتعى بالورد
شتسوين يعنى
:))
ان طال الزمان ولا قصر بتعرفين من منو
بس ما الومج على سالفه الحجى
:/
ياوخيتي يله سمعي الحجي يتنى قبل شوي وحده من اداره ثانيه تابعه لقطاعنا وتقولى شيماء شهالورد بتسوين مكتبكم بستان جان اطالعها قلت لها منو قالج انه حقي قالتلى الكل يقول فابتسمت وطالعتها وقلت موحقي حق المكتب علشان نحس ان احنا عايشين وفي احد ياخذ ثاني اكسيد الكربون
بالله عليج شعرفها انه يايني ورد تحسين حريم بس يتحجون
والله ميته قاعده افرفر ابي اعرف من منوو
خلاص صارت
يه يه يه .. شيماااا عجيييييييب السالفة تقول سالفة مسلسلات ولا أفلام رومانسية عجيييييب ..
جان زين حد يطرش لي لوول
بس صدق الواحد ييلس يفكر وخص كلام الناس ما يرحم .. بس شيووم ما عليج منهن بيتكلمن خليهن انتي واثقة من نفسج صح ؟ ما عليج بالعكس حجريهن وخلج كوول ونفس ما قالت كريزما الورد للورد ان شاء الله عاد يكون معجب فيه خيير ونسمع علووم زينة لوول
اخاف هاي وحدة من ربعج يالسة تستهبل عليج ..
يللا على قولة هات جوكليت " بكرة بيدوب التلج و بيبااان المرج" إلا و بتعرفين القصة ..
بس خلج كوول حبي .. ما عليج من اللي يغاروون صدقيني يالسات يتكلمن وراج وكل وحدة بتموت تبا تعرف منوه و تتمنى تكون مكانج
نتريا العلوم اليديدة
تيك كير الغالية
عااااااااااااااجل
شنو اللى صارت خلااااااص\
القاها من وين ولا وين
{ :: alive :: }
كل شي جايز مايندرى بس يختج تعبت نفسيا يعني هذيله من صوب يتحجون والحيره فبالي ومحتاره مادري منو
يعني صج شي حلو ومعبر وجذي بس من منو يعني بهالورد والكروت قاعدين يتحجون عني يعني سمعتي بتروح والشخص المجهول يطرشلي ورد وككاو
بس خلاص ماراح استلم شي ومحذره البنات
مصيري اعرف وصج يعني هم لي عرفت منو مااعتقد بكون جريئه واسأله ليش
أول شي زين اتسوين لأنج دوّنتي الموضوع : )
ترى شغله حلوه .. وعادي يعني ترى في ناس يوصل لهم الورد لين البيت ومن منو ؟؟ ما تدرين !!
عادي ترى تصير بأحسن العوايل ^_^
انتي مالج شغل بكلام الناس ترى لا يودّي ولا اييب .. طااااااااااااااف
شي حلو ترى انه يكون لج معجبين أو معجبات : ))
ما عليج الا الانتظار .. واللي بالجدر يطلعه الملاّس : )
و الله مو انا !!
U_SF
صح كلامك بس لي متى يعني بعيش جذي بالدوام ومااعرف من منو
وياك ان هالشي حلو بس بيصير ماصخ عقب يعني بس جذي ماراح اعرف من منو لي متى
برايك استلم اي شي اييني المره اليايه واتم اوقع واخذ ومااعرف من منو
يمكن يكون الشي عكسي بعدين والواحد فينا مايعرف شنو بالضبط اللى قاعد يصير
يمكن بنت ويمكن شاب الله وحده العالم بس عن جد شي يحير
والله كريم ويارب اعرف منو
والكل يصكر حلجه وما يتحجى بالشينه عني
غريب و الله هالمعجب !!
بس اتصدقين المفروض من ثاني مرة ما تستلمون منه ..
انا معاج في انه البنت ألزم ما عليها سمعتها و يضايقها اذا أحد تكلم من وراها بمثل هالامور .. لكن خلج واثقة من نفسج و لاتهتمين وايد بكلامهم :)
الله يعينج ، الاعجاب ساعات يكون نقمه:>
mtfa2el
عاد من زمان وانا شاكه فيك
ويقولون اللى على راسه بطحه يتحسسها
::::::::
تدري شلون صدقتك ان انت بس مره ثانيه لاتعيدها :)
وحياك الله ياااااااخوي بالمدونه
شي غريـــب
بس وايد حلووو ومشوق
ترى انا متابعه هااا ؟؟
واللي يعافيج كل ما تسالمين باقه نبي صوره موثقه
يعني الأحداذ أول بأول
واذا على كلام البنات
مالج شغل مو ذنبج ان في عندج معجبين :)
خليهم محترين أصلا
واللي تحبج راح بالعكس تستانس عالورد
استمتعي
اي نسيت توه تطري على بالي فكره
اقول لما ايي الورد
اخذي رقم المحل يباا هذا اذا مو مكتوب عالكارد
ودقي عليهم وقولي ابي اعرف منو اللي قاعد يطرشلي ورد مافيها شي ترى
ويمكن يطلع نحيس ويقول اسرار المحل
مادري
بس جربي
على فكر بدبره ثانيه
لووووووووول
ابصراحه وضع غريب
اشعليج
:)
شوفي انا برايي كل ماوصلج شي تردينه وماتستلمينه
واتبلغين اهلج بالموضوع
خل يكون عندهم فكره
وبالنسبه للكلام من وراج لاتهتمين له
دام انتي واثقه من نفسج
فلا يهمج
الله يحفظج يارب
والله شي حلو بس يخوف
والناس لو سويتي شي ولا ماسويتي بيتكلمون
وانتي دامج واثقة من نفسج ماعليج من احد
بس اذا السالفة تمت جي لا تقبلين اي شي لين يمل ويتكلم :)
فهمي الهندي اللي يستلم الورد انه اذا كان باسمج لا ياخذه عشان يفهم
وان شاء الله خير
ودي يسوون مسابقه لأكبر عدد من البدليات
أكيد انا اللي بفووووز
مي سوري والله
ترست الصفحه بدليات
يا خبر اليوم بفلوس باجر ابلاش :))
والله سالفة غريبه وعجيبه
بستان صار القسم :Pp
عليج بألف عافيه والله يزيدهم
والبنات بصراحه ما ينلامون وحده يايها اكثر من بوكيه بيوم وكروت وكاكاو .. خلج واثقه من نفسج وقطي كلام الناس ورا ظهرج :)
ركزي بالخط عل وعسى واحد خطه مار عليج
ولا قولي حق كل اللي يعرفونج يكتبون
اسمج على ورقه وقارني الخطوط :)))
((خططي جهنميه)) :Pp
تحياتي
سالفه صج غريبه
والغريب الي فيها ان الورد قاعد يوصلج من معجب مجهول ما تدرين منو اهو
وترى كلام البنات ماراح يوقف الا اذا تبين منو صاحب هالورد
ومن رايي انج ما تستقبلين اي باقه ورد وتردينها واذا قدرتي توصين الهندي الي اييبلج الورد ان ما يستقبله من راعي الورد وبجذيه راح يرجع الورد للمحل وصاحبه راح يعرف انج رفضتي تستقبلينه
فهنيه يا يبين هويته لج او ما يرسل بعد
هذا مجرد اقتراح طبعا :)
loyalty
اى والله صار نقمه مايسوي علي ابد
ثاني مره رفيجتي استلمته على ابو سبرايس وعادي قولى رفيجاتي مومشكله بس باجي البنات والخبر بسررعه انتشر اللى يقول بونص نازل مو ورد يايني
الله كريم ويارب اعرفه
Q8DOLL
وياج غريب عجيب عمره ماصار جذي وياي جذي هدايا وورد من شخص ماعرفه
والله اقولج صرت سيره وانفتحت وماعندهم غيري بس متفرغين لي بالحش
الله يعين
فكرتج حلوه بس للاسف الشديد البطاقتين مثل ماانتى شايفه عاديين مافيهم رقم المحل ولاشي
فكريلي ودبريييييييني وتابعيني وقوليلي شسوي ياوخيتي
والله من الحره صورتهم ونزلتهم لكم يعل وعسى تشورون علي شور سنع
اهلين وسهلين
سالفة قلب
اى شعلي صرت حجوه بحلوج هالحريم
اى موقلت حق امي السالفه وخواتي واهمه بعد يقولون لي منو بس ماكو فايده موقادره افكر شلون اعرف منووووووو
اللى يقهر صج انه مالى ذنب بالموضوع ومادري منو بالاساس ليش يتحجون ويظلموني
صج شي يحز بالقلب
هلا وغلا بالغاليه
عيون الحب
حلو ورومانسي وماكو احلى منه بس ايييب التساؤلات والافكار الكثيره بالبال
اليوم مراسلنا يقولى شيماء ومبتسم ويمه الهندي مال الورد فقلت حق رفيجتي دانوه حتى نور يتبوسملي علباله اعرف منو ومستانس
الله يعين والله حدي قلقانه
هلا فيج من يديد
Q8DOLL
عادي ترسيها من هني لي باااجر البلوق بلوقج والمدونه تتسع لحروفج
واذا سووو مسابقه برشحج
هلا والله بالعزيزه
Sheikha85
بيصير ببلاش باذن الله بس ناطره هاليوم على احر من اليمر
لايزيدهم ولاشي موناقصه تشويه سمعه بزود اللى ابيه انى اعرف من منو
شكلي بسوي هالخطه السبت وبخلي البنات يكتبون
بس والله صج شي محد متوقع انه يصير
على قولت وحده من البنات تقولى صارلي سبع سنين بهالاداره محد عبرني وانتى ياام سنه وشي ايييج بوكيهااات وككاااو
بنت الكويت
اى والله يشهد على كلامى ماني عارفه من منو وودي اوصل للشخص هذا سواء بنت او ولد
خوش شور يالغاليه يعل وعسى يعترف ويبين ويقول علشان اعرف هويته عالاقل
لان حجيهم امبيه مايخلص هالبنات
والله اليوم موقادره اطلع بره المكتب خلاص والسبه انى يوم طلعت مسكتنى وحده وسألتنى عن الورد وقلت لها كل شي يطيح براسي انا شكو وقالتلى علينااااااااا
وراحت والله لايعه جبدي
شيما أمر عجيب
لو كانت الحركة من بنت ومقصوده ... الصراحة مول مب حلوة
إنتي مالج ذنب تتشوه سمعتج بهاي الطريقة
و إذا واحد الله يكون في عونج .. مالج الا الصبر او تخبرين احد من اهلج يتدخل ويشوف صاحب المحل
شو هاااااه والله في الف طريقة وطريقة الواحد يعبر عن حبه بصورة محترمة .. وما يحرج غيره بهاي الطريقة
شيما إنتي صح واللي سويتيه صح .. ولا تستقبلين اي شي دام تشوفين هالشي غلط ... و اللي يبا يرمس يرمس المهم تكونين واثقة من نفسج
بس ان شاء الله ما يكون الحبيب المجهول واحد يزور مدونتج
!!!!!
خله يسمع انج مب راضيه عن هالشي
وكلام الحريم طول عمره ما يخلص
سوي لهم أحلى طااااااااااااف
it's funny !
تدرين ليش ؟ .. لان أياً كان هالشخص صاحب الورد أكيد بتكون بادرة حلوة منه لكن مو خطوة حلوة أبداً ان يرسلها في الدوام ..الناس ما تصدق خبر مني و إلا مني و سوو فيه سالفة =\
شوفي حتى لو قاعدة بآخر الدنيا و مالج شغل بأحد بتحجون .. اللي بتحجى كيفه .. المهم إنتي عارفة نفسج و اللي حواليج يعرفونج .. خلاص شعلي أنا من الناس و شعلى الناس مني ..
إنتي إخذي الورد و دندني : ميهمنيـــش ;P
Hot Chocolate
صح بتكون حركه بايخه
انزين اللى عندي يقولون مالج ذنب بس اللى جدامنا ويمنا امبيه لاتنحطين بموقفي وتحسين نفسج وحده مشبوهه ومسويه جريمه الكل يطالعج
بس بعرف منو لان هالحركه مسببتلى احراج كبير
KeChie-ChaN
اهوه صح يتحجون وهذا همهم اي سالفه او خبر ويتحجون بس شي صعب والله اهوه احراج على قصت ويه على خرعه لان في شي مجهول ومو واضح قاعد يصير
بادره حلوه صح بس شي يخلي الانظار تحوم حولى والحجي يطلع والاشاعات
يعني اخذ ومالي شغل باحد
lool shaima'a wnasah traa :P
etha 3ly wyach bldwam 36eehm 6aaf
etha fe shy aw mafe byt7chon fa la t-htmen lhm
oo i think enhh elslsla btstmr :P
شيــــوم
"طتحت الميانه"
أقوووول يباا اذا يالج الهندي مره ثانيه
قضبيه وقوليله ابي رقم المحل
ترى يعطيج أصلا مايصدق لأنها دعايه للمحل عادي
أوكي
وتصرفي
وبعدها رفضي الورد
بس اخذي الرقم أول
maybe its the Indian dude himself, oh well, you wouldn't know lol
يه يه شعليج
ورد وحركات وبطاقات وشغل عدل P:
هههه شوفي الوضع حده مريب وغريب
مثل ما قالوا لا تستلمين شي
يمكن لما يشوفج ما تبين تستلمين ييي ويواجههج
أما كلام الناس
فالناس تتكلم بورد أو بدون ورد
مالج شغل بأحد .. أهم شي انتي واثقة من نفسج أما كلام الناس عطيهم طاف
بس والله شكله خوش ورد
عليج بالعافية : )))
hatha shaklah wayed mo3jab ow walhan ba3d :P
bas ma 3enda salfah...ma yadri ena alnas leha althaher...ya3ni eli yshofich kel youm tyechi baqat ward tehabel (ow 3ala fekra shakelhum min alghali b3d)
yemkin tkoon wa7da min refejatich tbi tsawie fich maqlab
i really hope u find out who is doing this fast and dont forget to tell us 3ad ;P
wow flowers ...
:P 3leech bel 3afyaa shaymaa o allah yarzegnaa .. rathya yedezole warda wa7da hehe
ana fakart feha gelt yemken wa7da emsawyatlech dagga betshof radat fe3lech ..
bs mnow hal fathya ele ta9ref hal floos 3l boquehat 3shan maqlab !?
ella chan ga3da 3laa bank !? ;]
o haneyalech hal 7ob :P
حلو أن يكون فيه أنسان معجب بك ..!!وحلو أنه يعبر عن أعجابه بأرسال باقة ورد جميله ..!! بس الأحلى أن يظهر ويعرف نفسه وان يبين اعجابه بنفسه ..!!؟
وايد بايخ أن تبدتدي الناس بالظن السئ ..!! والأبيخ أنه لاتمتلك الدليل ..!!؟
مثل ما آنا ما أحب المسجات
والمكالمات من أشخاص مجهولين
أكـــره مثل هالتصرفات اللي
تضيع حلاوة أي هديــــــــه
قبل سنتين تقريبا
صار لي نفس الموقف
وصلني ورد كبـــــــــــير
وهدايــــــا متنــــــــوعه
للبيت والوالده إستلمتهم
وخواتي نـــادوني وكنت توني
قـــاعد من النــــــــــوم
وقعـــدوا يطفروني وإستلموني
علــــــى هالسالفه على أساس
إن كان عيد ميلادي وآنا أعرف
منو اللي مطرشلي كل هالشغلات
اللــي بينــــهم ســـــاعه
OMEGA, mobile, ..
وغيـــــــــــرها
آنا بققت عيني منو ممكن يسوي
شي مثل هذا!؟ وحشى والله ما عندي
علاقات سريه من هالنوع والا كنت
عرفت .. أول شي سويته
أخذت كروت المحلات اللي موجوده
وأغلبها محلات معروفه بالصالحيه
ودقيت عليهم وعطيتهم أرقام
كل علبه علشان يقولون لي بإسم منو
وللاسف الكل متفق إنه ما يقول
لأن المرسل مســـــــــوي حسابه
أو مسويه حسابــــــها بمعنى أصح
قوم يا
hamdool
وقبل ما تبرد السالفه
أدق على ولد خالتي
وقبل ما تبرد السالفه
أدق على ولد خالتي الضابط
وأخليه يمرني بلبسه ونجومه
وقلت له السالفه ورحنا محل الورد
دخلنا عالريال كان مصري
وأشوه صاحب المحل ما كان موجود
بس هذا وثلاث فلبينيين
وسيده سألناه منو اللي مطرش
البوكيه وعطيناه الورقه
وقاعدين نمثل بأن صايره مشكله
والشرار ناط من عيون كل واحد فينا
قام يتستر عالموضوع ويقول إحنا
قطينا الأوراق أو الدفتر مال
أمس !!!! الأخ حسباله هنود
hehehehehehehehehehehehehe
قصيت عليه وقلت له آنا ريال متزوج
وهالحركه راح أطلق من وراها
وراح أرفع عليكم قضيه وأسكر
محلكم وأقاضيكم وراح تعوضوني
بمبلغ كبير .. إهني حصل له
زفه من ولد خالتي بعد علشان
نكمل الفيلم .. قوم يا المصري
بط الجربه ! بس ما عنده من هالبنت
إلا رقم موبايلها .. هذي سهله
LOOOOOOOOOOOOOOOOOOOOOOL
دقيت على واحد بالإتصالات
وطلع إسمها الكـــــــامل
وتفاصيل أخـــــــــــــرى
;p
والله ما تتصورين شكثر إرتحت
كثر ما كنت متضايق وآنا أفكر
بالموضوع ونوعي ما أحب أحلل
وأسوي شغلات مثل هذي بس شسوي
مجبر أخوج لا بطل
:))))))))))))))))))
إنشالله هالحل ممكن يفيدج
وإذا تبين أي مساعده آنا
حـــــــــــــــــــــاضر
وبالشوفه يا وخيتي
:)
خطاج السو
;p
اول شي من الي قريته من كتاباتج والي تعكسه لي من شخصيتج فهذا الورد شويه عليج لانج تستاهلين الاكثر ومن اكثر من شخص,وهذي مو مجامله بالعكس حقيقه,,
اما الشي الثاني شرايج تبدليني بس الكرت يكتبون عليه اسمي ووصلونه الدوام عندي من وحده معجبه ادري قويه ,,,
اول شي اذا كان صج في شخص يعني هالكلام الي كاتبه لج فالي يسويه غلط والدليل ان البنات الي بالدوام قاموا يقولون كلام عليج وانتي اسمى من هالكلام الي يقولونه طبعا ,,
ومن اعتقادي الثاني هالشخص لو يعني هالكلام فهو غبي اسمحيلي يمكن باجر يكون زوج المستقبل وتقوليلي ليش تغلط عليه بس صراحه غبي اهوا مايعرف ان اللون الاحمر اهوا الي يعبر عن الحب بس شكله يبيله درس بهالخصوص,,
اما على الكلام الي يطلع من البنات اعتقد بنات هالوقت قاموا يطلعون كلام من غير اي شي والحين شافولهم شي الله يعينج بس انتي سويتي الصح لين رفضتي هالورد واعتقد انتي ماسويتي شي غلط عشان يتاكد كلام البنات,,,
اما الحل فبسيط ياتمسكين هالهندي وتعطينه فلوس وتخلينه يقولج منو هالشخص ,,
او تعرفين هالورد من اي محل مطرشه لج وتسالين لان محلات الورد حافظين كل الباقات زين يبيعله ورد بهالصيف,,,
والحل الاخير تخلين الهندي يخلي هالورد بالشارع عشان روميوا يخسر معاشه ,,,
بالتوفيق :)
شي ثاني ام الشوووش (طبعا ميانه ) انتي قلتي قصتج هني الحين وين تروحين من كلام المدونات البنات تخلصين من الدوام وماراح تخلصين من المدونات كل يوم يسالونج لان هذا طبع البنات ,,,,
عاااد ادور هالشي:)
موفقه خيتووووو
Ya waily, hayil ely y3rfon ilsn3,, mabrok moqadmn 3la zooj ilfuture..3gbal il3wans :p !!
Free_Moi
hala w '3la
tstmr wl7jy yzeed
97 ohma ay shy yt7joon 3nh
allah krem
اهلين خيتوو
Q8DOLL
شدعوه شفيج عاد خليها تطيح عادي
كلنا خوات ونمون
وخوش راي شكلي بسوي جذي
لي ياني ورد او شي مره ثانيه
Meticulousness
hallah wallah o5oy
ymken jthy wallah 9j
m9ery a3f w agool lkom meno
SHAHAD
هلا بالغاليه
جان زين اين كان اييني ويقولى ان اهوه اللى يطرشلي هالورد والككاو
اى حتى ريحته حلوه هالورد وشكله حلو
وعلى حجيهم الله يستر شبيصير يوم السبت وشنو بسمع بعد
Ghasheema
hallah wallah
3ashg wm'3rm
eeeh 97 shklhom '3alyen bs kant 7ellah blwrd madra anh elnas tt7ja
enshallah le 3rft bgolj
ohwa mayndra bent wla shab
Shather
shfty shloon
e5thay kel elbokehat lalj
ymken wa7da wymken wa7d many 3arfa 3n jd
shy y7yr wayd
ymken etha w7da ga3da 3la knz
هممممممممممم قصة غريبة .. تقدرين ترووحين حق محل الورد نفسه وتعرفين منو من الفاتورة بس يمكن ما يرضون يقولون .. أو يمكن دقة ماتدرين
او معجب صج ويبي يعبر عن اعجاابـه
الله يعينج على كلام هالبنات وترا الشباب يتحجون أكثر .. انشالله تكتشفينه وماكو إلا الخير
أول شي ترى عجبني العنوان واايد
:)
أحياناً أفصل وأحب هالأكشنات
بس صراحة موقف لا تحسدين عليه
صج صج احراااج
سواء جدام الأهل أو جدام الزملاء بالعمل
صج إنه مالنا شغل بكلام الناس بس هم تأثيرة مادري شلون
يطلع الواحد من مزاجه
بيي يوم واتعرفين منو
:)
2 u ALL
اتفق معاك بان يكشف الستار حول نفسه ويكون على وضوح تام
الدليل بنظرهم البطاقات والباقات ويجهلون الحقيقه ولكن حيلتهم التحدث بالامر
hamdool
صح كلامك ياخوي
شي يونس بس بنفس الوقت يقهر لانك ماتعرف المرسل منو
يالمرعب ينخاف منك شسويت راحت فيها البنت بحثت وتحريت عنها ليمه كشفتها
اهوه يرتاح بالك لمن تعرف منو صح
انزين همدول المرعب يوم عرفت تكررت سالفه الهدايا
وتسلم وان بغيت فزعتك على قولتهم بناديييك
بس موتمسك خطك وتنحاااااش
عبدالله الظفــيري
احرجتنى والله بهالكلام ياخوي
تستاهل الطيب انت وامثالك
يعني اسويها المره اليايه واقول لهم روحوا مكان ثاني انتو غلطانين بالعنوان
صح اهوه غلط شنيع ووايد كبير
زوج المستقبل مره وحده ياسلام شي بس وياك الورد الاحمر يدل على الحب بس الابيض هم يدل على السلام :)
اهمه حتى وانا ماخذيت الورد تحجوا اقولك صرت علج بحلوجهم
تتوقع الرشوه تفيد بهالهندي
بجربهاا
اى صح الورد يعفن عندهم مرات
اخليه بره علشان يعفن ويخيس هالورد شي جميل بخليه تحت بالدور الارضي يم النافوره علشان الكل يشوفه
خوش راي ياخوي
عبدالله الظفــيري
اهلين بالظفيري من يديد
:) عادي ميانه شفيييييك
يعني اقول وين مااطقها عويه
اللى بيتحجى خل يتحجى بعد شسوي خلاص وربي يشهد انى مااعرف من منوووو
والله لو اعرف جان ارتحت نفسيا ومعنويا
اكيد البنات بالمدونات بيتطمنون علي لاني اختهم
DUBAI
ahlan wasahlan
nwrtoona
marah wa7da 9ar zoooj elmostqbal
هاااااااااااااااه شيما
ماشي مستجدات يديده
!!!!!!
عبدالله الظفري
لازم نسأل عنها
هاي ربيعتنا .. ومحد بيرمس من وراها نحن معاها قلبا وقالبا
ولازم نتطمن عليها
و نحن واثقين في شيما كل الثقة
اهلين
Sara
اى موهذا اهوه عندنا غرفتين بالقطاع كلهم شباااب يعني فوق ال 30
الله يستررر الحش والتقرض بيصير اكيد
اذا البنات اللى بيني وبينهم عيش وملح تحجوا عيل شنو تترييين من الشباب
الله يستر وييب العواقب سليمه
وسالفه اسم المحل بسأل الهندي ان استمرت السالفه والله يبين المخفي
جنون إحساس
اى والله احراااااااج وفشله
فعلا موقف ماانحسد عليه
اى والله حجيهم خلاني احس نفسي منبوذه وشاذه عنهم جنه فيني شي غلط والمصيبه انه مالى ذنب بالسالفه
الله يعين
Hot Chocolate
اهلين خيتوووو
المستجدات لا ماكو شي يديد
الحين عطله الله يستر من السبت يالغاليه
Hot Chocolat
اى شفت شلون يالظفيري شقالتلك حبيبة قلبي
متضامنين معاي قلبا وقالبااااا
looooooooooooooool
ee yoba sh3alaych 3endeh mo3jabeen :D
goly lena 3ad etha 3eraftay meno :)
ReKoO
ahleeeeeeen wshleeeeen
shft shlooon
7rkat bldwam
enshallah a3rf meno
la t5af bgoolkom lmn a3rf
مساالورد والجوري
غاليتي الشيما
شوفي هالسالفة صارت كثير ومع ناس وايد
بس مسرع مانعرف الشخص المجهول وانكشفت كل نواياه
وانشاءالله تكون النوايا كلها
حسنه باذن الله
وياختي
ياخبر بفلوس بكرة يصبح ببلاش
وان غدا لناظره لغريب
طمنينا عليج
دمت بحب وود ابدا
:)
عارف ان الابيض يعني السلام بس اهوا عاشق مو عضو بهيئة الامم المتحده ,,,
والبغشيش له فايده بس مو تعطينه دينار من خمسه وفوووق كل مازاد المبلغ كل ما ارتخى الهندي تلقينه مايشوف الطريق ,,,
a7la shy inna ismi inthikar bisalfa,
yoba lich 7alleen;
ya tgolin lilhindi iraj3ah 7g ili m6arshah aw,
itwaz3een 3la sdeegatich ili wiyach bildawam min halbaqat wi la titthaygeen, i'7thi ilsalfah thi7ik:)
شيمااااااااء حبيبتي
تبين الصراحة لا تبوق ولا تخاف
يبا لا تشيلين هم الشغلة
انا اقول استانسي
بالشعور نفسه انج على بال احد
وبسسسسسسس
لا تهتمين بحجي الناس الفاضية
اشرايج المرة الياية تتفقين مع المراسل اللي يوصلج الورد او الكاكاو انه اي شيء يوصل باسمج
يتصل عليج قبل لا يسلمة
روحي وشوفي اللي موصل الورد من اي محل ترى يكون مكتوب حتى على سياييرهم
او قوليله ببرود انج تبين اتطرشين ورد الحين اشلون ? وسئليه عن اسم المحل
لما اتحرفين عقبها تروحين المحل مع شخص ثاني من اهلج
وتفضحين المحل لما يعطيج الاسم او الرقم ، وابتدي البحث
هاهاهاها
بس ان ما قدري اتعرفين لا تكدرين نفسج عاااادي ولا يهمج
هيهي تسلميين حبيبتي شيووم
بس ما عليج امر شنو اسم المحل عجبني الورد :P
تكررت السالفه ومن أكثر من شخص
بس وين يروحون!؟ .. المتهم لازم
يترك أثر و ماكو جريمه كامله
;p hehehehehehehehe
شخباري ورورد وكلام حب
احس الكلام مال شياب
عموما انا اقول اللي بيقول يقول
والورد يغير الروتين ويشرح القلب
يمكن وحده مسويتها فيج
لاتهتمين بالموضوع والخساير عليهم وياخبر اليوم بفلوس بكره ببلاش
خلف الله علينا احنا حتى قوطي كرنيشن مايدزون لنا
يالله رزقنا
انا ابي احد يدزلى سحارة طماط
ربطة فجل
ماكو
انزين يحذفونى بجريدة الصبح
هم ماكو
:))
الســ عليكم ـــلام
والله العظيم والله العظيم والله العظيم والله العظيم والله العظيم والله العظيم والله العظيم والله العظيم والله العظيم
مو انا الي يايب الورد
اصلا انا ما اعرف وين اتداومين
:))))))))
لو انا منج اروح ابيع الورد
و بفلوسه اتريق فيهم
و اخذيه من راعي محل الزهور قطيه بالزباله تكرمين و يكرم الجميع
جذي راح يعرف الشخص الي يبعث الورد ان هالشي مو هامج
و جذي راح يغير طريقته يمكن يبعث لج ساعه او جنطه او سياره
و على كلام الناس
خليها على الله
الناس ما لها غير الكلام و الاكل في لحم الناس
انتي اهم شي عليج من نفسج
و انصحج نصيحة اخو
انج اتبلغين الوالد و الوالده عن هالموضوع و اخوانج بعد
الله يكون بعونج من كلام الناس
wanaaaaaasaaaaaaaaaaa
loooool 7ada nice el wath3 bel 3afyaa 3aleeej
:D
o sh3alej men el 7aji lool tshofenhom me7taren b3ad 7arem
lool :p
salamz sweetee...
كنت حاطة تعليق ما أدري وين راح الظاهر في مدونة ثانية او قريت الموضوع و ما كتبت،المهم :
شنو اخرالاخبار ؟؟؟؟
صج وحدة داشة عرض :)
woooow wanasa :P
للحين فيه ناس تحب جذي.. خبري هالنوع انقرض من زمان..اذا كانت هالسالفه مو دقه او مقلب من احد فاستمتعي فيها والله يوفقج ويستر عليج من كلام الناس
حبيت اتطمن عليج
عرفتي الموضوع والا بعد؟
صباح الخير :)
انا شقلتلج؟؟
شهالغيبه ترى صرنا نفس الي يغرق ويطلعونه باخر لحظه ولين ياخذ نفسه يرجعون ويغرقونه...
اخيتي شيما ...وينج ؟؟
عسى ما شر؟؟
فراوله
مساء الفل والنرجس
اكيد الخبر بيصير ببلاش بس متى
الله كريم
عبدالله الظفــيري
اهلين بالظفيري
شفيك اهوه ماسك راية السلام الظاهر
ياخوي فلستنى ماكو فايده محد علمنى بس قالي اسم محلهم ومايعرف ولاشي يهزلي راسه شفهم منه
خلها على الله
salfa3ajeeba
halaah wmr7ba
eee shfty shloon
y3ny shorj a5tha w awz3a 3la elbnat
madry bs elkl ygool la ta5then shy
mn m9dr ma t3rfeena
اهلين ومرحبتين كبار
vancouver
اى شعور حلو وشي يونس بس مريب ومخيف بنفس الوقت
يعني مااعرف من منو
خذيت اسم المحل وبنسير اليوم عليه انا وامي وبنشوف منو هالمعجب السري الخطير
الله كريم
هلا وغلا
Shather
اسم المحل اليوم عرفته
زهور الجزيره
اهلين باخوي المرعب
hamdool
اكيد مصير الحي يعرف المخفي
قريبا وعرفت اسم المحل والله يبييييين السالفه والشخص المجهول
August 17, 2007 9:35 PM
barrak
ايوا يالشايب يعني تعترف انك شايب
يبه انت توك صغير خله الشياب على صوب توك بعز شبابك
وخلاص المره اليايه بوصي فيك اييبون لك قوطي مكنتوش مادري شلي خلاه يطري على بالي
المهم حجى الناس لابيقدم ولابيأخر والكل قالها لي طااف خليتحجون دامنى عارفه وواثقه انى موغلطانه فعادي عندي
ولاتقول عن نفسك شايب او باباعود
يامرحب يامرحب
Mishari
كله ماكو ماكو الله يعين لي كان اكو
الحمدلله على السلامه
خسرتني للأبد
ووعليكم السلام ورحمة الله وبركاته
الحمدلله امى تدري عن الموضوع وعلى بينه
اييييييه جذي ولا يتطور الموضوع ويييبلي سياره افا عليك سيده اخليه يوصلها لك
تدري انى جكييييييتك وعرفت من البصمات ان لك يد بالموضوع
مو انت ذاك اليوم قاعد بالشيشه وكنت بتروح دوره
خلاص انكشفت وبان ماخفي وراء الستار
5roofa ahleen
allah y3afeej
ymken fee m7tareen mthly
allah kreeeem
Dental
امممم
كلام سليم في يني الظاهر بالبلوقات
عموما حياج الله
اهلا
Tekana
الله يستر علي اى والله صج كلامهم يقهر
الله كريم
استبعد سالفه مقلب لان منو فاضيه تقط هالمبالغ على ابو مقلب وبيني وبينج بناتنا غسلي ايدج يسوون جذي
سالفة قلب
هلا بالغاليه
كل اللى عرفته اسم المحل
الله يستر ويارب تبان وتوضح السالفه اكثر
عبدالله الظفــيري
صباح الورد والفل والغرنفل
هلا بعبيد ولد الظفيري
شنسوي بعد اليوم انطر وانشالله يعجبك موضوعي
اهلين
عثماني
كاني
انا ييييييييت
ادري طولت
بس شسوي هالاسبوع كان حاااااافل جدا جدا
موقفج عجيب :")
بالعكس مالج شغل بأحد وبي يوم راح تعرفين منو :)
في ناس توصل لبيوتهم هداية و ورود :)
عادي عادي :)
وإذا عرفتي منو ... عاد قوليلنا ;p
Dana__23
اى والله صاجه حجى الناس مايخلص
واذا عرفت بقول لكم
ايوالله لازم تقولين لنا منو هذا اذا عرفتي
شغلتينا وياج :)
كل يومين اجيك اذا عرفتيه ولا لأ
الحبيب وايد يشوف افلام مصريه ابيض واسود
Anonymous
عرفته وقريبا بكتب بوست واقول لكم شصار
إرسال تعليق