تحديث..
أتمنى لكم سنة خير وسعاده خاليه من المشاكل وسفك الدماء
...
ياجار الحق أنصفني كن لي عونا وحاميا لأسرتي
ياجار السكن كن على ثقه بأن أهلك بمأمن جواري
فالرسول أوصاني بحق الجيره وسأكون لك كما تريدني
بالماضي جاري يسأل عن أحوالي
يتنقص لي
إذا مرض أحد نرى الجميع حوله يجلسون
على مقربه منه يتواجدون
فهو بمثابة الأخ وجزء من العائله
وقفه وحده يكونون بالمصيبه والفرح
يتعاونون ويتساندون ان احتاج أحد شي يتقدم له
ورب الأسره يخرج من البيت للسفرأو العمل مطمئن البال مرتاح
لأن جاره بيدافع عن أهله
ويحرسهم ولن يصيبهم مكروه
فهم بأمان بهذا الفريج الهادئ
عيني وأعينك وبنكون على قلب واحد ياجاري
اليوم اختلف كل شي الصوره انقلبت
وصار جارك عدوك وتخاف منه
لا أمان ولا اطمئنان بهالفريج
ياترى شالسبب وشلي تغير وين الأجاويد
بيوم من الأيام رن التلفون
ألوووو
انتو وينكم وين وصلتوا
ياكثر ماتتطلبين كانا بندش فريجنا شبغيتي
تعالوا البيت بتشوفون شي جبال بابنا وبتنصدمون
شلي صاير لا ادودهينا عالفاضي
تعالوا وشوفوا
نزلنا من السياره وطاقتنا البوهه
عبود ليش تسووون جذي بالنخل والسدره
حرام ليش تقصونهم
ونشوف اختي بالحوش انصدمتوا صح
تخيلي عبود طلع بره السكه
ولا يشوف الهندي طايحله تقصص بهالنخل والسدره فسأله
منو قالك ويأشر على بيت جيرانا
وتقوملج الأميه تطلع بالسكه تلعلع
وأبوي واقف بره منصدم منها ومن اللي صاير
وتقول له انتوا اوراق شجركم تطيح على بيتي
وتحت سياراتنا ورقكم يلي ماتستحون
وطايحتله سب وتغلط
وأبوي يقول لها في مره شفتيني
ضريناكم بشي
ضايقناكم
ليش ما يييتي وطقيتي بابي وقلتي لنا
موتسوين جذي من ورانا
وتقوله إنتو ماتستحون لو إنتو محترمين جان ماخليتوا
ورق شجركم يطيح صوب بابي
وعيال فريجنا طلعوا بالشارع
وأبوي ساكت منصدم ويقول لها آسفين وحقج علينا
وإهي طايحتله سب وصراخ
قعدنا بالصاله كلنا وأبوي يدش علينا مبتسم
وأحنا عدادنا واصل بليون مو مليون
فاختى العوده عسى الله يردها لنا قالت
يبه هذيله مايستحون مو ويه حشيمه
عيب عليهم اللى سووه احنا كافيين خيرنا شرنا
وحتى جبال بيتنا يسفطون ونسفط بعيد ونمشي ومانقول شي
صج قلة ادب وشي يقهر
وأمهم تصرخ وتغلط وتقول آسفين مايصير
أمي تقاطعها وتقول عاملوا الناس بأخلاقكم خلكم أحسن منها
أبوي شتبوني أقول لها أصرخ وأغلط عيب هذي جارتنا وحرمه
وبعد مرور شهرين على هالحادثه
خالتي وييييه دقي على حسن وقوليله يسفط سيارتي أي مكان
ليش يبه سفطيها مني
عادي مايقولون جيرانكم شي وايد سياييرهم
شكو بيتنا هذي طوفتنا
حلفي على بالي بيتهم وهسترنا ضحك حزتها
نزلنا ودشينا البيت وعينا من الله خير وخالي عندنا وطحناله سوالف
وفجــأه
خاااااااااااااااااااااالتي خااااااااااااااااااااالتي
خالتي شيمااااااااااء
حمود شفيييك ليش تصرخ وجم مره أقولك لاتقول خالتي
إنزين خالتي شيماء وين عصايتي اللي يبتها ذاك اليوم بيتكم
ليش شتبي فيها
بروح اتهاوش وبطق ولد جيرانكم
أقول انثبر واقعد يالله وين قاعدين أحنا
خالتي بيكسر سيارة أمي ويقول ول وليييي
يلي تشربون بالحديقه وتقطون بطولتكم عند بيتنا
بكسر مساحتكم علشان ماتسفطون عند بيتنا يالسكيرين
شنووووووو
يمااه ترى هذيله وايد زادوها ولازم توقفونهم عند حدهم
خالي طلع بيشوف الموضوع
ولا ولدهم كاسر مساحة السياره
وامسك خطك وانحش
اهني صج ماقدرت امسك اعصابي
وامي ترد وتقول عاملوهم بأخلاقكم
ياربي هذيله ماينعطون ويه
بدق على حسون يوقفهم عند حدهم
(طبعا حسن ريال بيتنا لأن أبوي وقتها كان مسافر )
وتقولي أمي هدي ماصار شي خلاص لاتييبينه من المخيم خليه
مابي بدق عليه ولا أروح اطق بابهم
وطبعا تم قبول النداء وحسن كلمهم وشخلهم
وولدهم الكبير تأسف وقال هذا ورع وماينعطى وجه
وبطقه من يجي البيت
الحين فوق شينهم قوات عينهم
تخيلوا يطقون بابنا يبون غاز وبطاط ومره قيمر
وأمي تقول حق الخدامه عطيهم مادري فاتحين بيتنا بقاله
بلوقرزيتنا الكرام
لي متى بعامل الناس بأخلاقي
وأهمه مايستاهلون الاحترام حتى
ويقعدون يتبلون على الناس اليوم قالوا سكاره
باجر شنو بيقولون
هذا يعتبر قذف وانتهاك لحقوق الغير
شوروا علي شلون نتعامل مع ناس مثل هذيله
هناك 26 تعليقًا:
والله يا اخيتي هالنوعية من الجيران مشكلة ..
عندنا وعندكم خير ..
والمشكلة من الورعان دايما !!
مو ربوهم عدل !!
___
فعلا قبل الواحد يسافر مطمن على اهله عند جاره ..
اليوم اول من يخاف منه جاره ..
جنه الرسول والعياذ بالله موصي على الاذية حتى سابع جار !!
الله يرحم ايام زمان ..
كل واحد يعمل باصلة
و انتوا اصلكم طيب
فصعبة تنزلون لمستوا جيرانكم
عادي .. طنشوهم
:)
اهلا بهذه الزياره الجميله من صحفينا المبجل
اخوي احمد
اهي مو بس مشكله الا مصيبه الله يكافيكم شرها
يعني مادري شنو الطاري اكيد هوا ويطير الورق اهي مالقت سالفه غير هالسالفه واللي يبط الجبد انهم مايحترمون الجيره ولا حتى احترمت ابوي وعيب تطلع بالشارع وتصرخ وتسوي لويه
اى والله الحين ينخاف من الجار ولو توخر عنهم هم ماراح يخلونك بحالك
يعني مادري شنو اوصفهم فيه او حتى اتصرف وياهم ولي يومك ماخذين مسافطنا وامى ماتكلمهم ولا احد يحاجيهم من بيتنا
على العموم
اشكر تواجدك وحضورك الاكثر من رائع
وشرفتنى بزيارتك
ولاتقاطع ياوخيي
يا مسهلااا ومرحبااا بلي قبل شوي لوع جبدي ببوسته
عطر فواح وشذى رائع هل بمدونتى ونسيم منعش برائحه تهف على مدونتي لكنها ليست كأي الروائح بل رائحه عطره بعطر الياسمين والقرنفل مصحوبه
عثماني
انت مع طنش تعش تنتعش
بس لي متى والله هذيله بنتم سنييين وبنين يمهم واهم يمنا
واساسا كل هالسنين اللى فاتوا ماتحجوا الحين ياييين يتكلمون
الله كريم
بس اللى يسووونه قاعد يزيد يا وخييي
والساكت عن الحق شيطااان واهم يتبلون
هم بنعاملهم باصلنا لي متى
يابلوقرزيتناااا
عيزت بغير التاريخ بسويه مساءااا
موراضي يضبط وياي الحين مساءا صاير صباااحااا
كل شخص مرآة لبيئته
واضح شنو بيئتج وتربيتج الغالية
وبيئتهم وتربيتهم
وشتان بينهما
أصلا لا مجال للمقارنة
بس زين اللي سوى اخوج، لازم توقفونهم عند حدهم
العزيزه شيماء
عادي هالسلوكيات تشوفينها بكل مكان وزمان
كثير ما نسمع عن هالقصص وأذية الجار لاخوه الجار للاسف الكثير ما قامو يحترمون الجيره وقليل من يوصي عياله وينصحهم علي احترام الجار
انا مره صافطه سيارتي عند بيت رفيجتي
وشوي سيارتي صايره بين بيتهم وبيت الي يمهم اتهقيت اشصااار؟؟
سكروا علي سيارتي !!
ولا وفوق هذا يوم بطلع يقولي الهندي الصبي بابا نايم والساعه ما صارت 8 بالليل ...
ويوم شرف وحرك سيارته يقول حق اخو صديقتي ليش صافطين يم بيتنا وهذي اخر مره ..امبييييييي انا اطلعت عيني
معقوله وين الاحترام والتقدير والاصاله
امبي الناس ما قاموا يعرفون العيييييب
الصراحه ما قمت استغرب من اي حادثه تصير من الجار لجاره
يلومونني أن بعت بالرخص منزلي
ولم يعلموا جاراً هناك ينغص
فقلت لهـم: كفوا المـلام فإنما
بجيرانها تغلو الديار وترخص
loool آنا كل مره أسمع أولها من العفاسي مره قلت بسمع باجيها .. كسر خاطري عاد اللي مألف هالأبيات صاااج والله صااااج
عموماً شوشو هذول صراحة مايستحون .. وتجنبوهم قد ماتقدرون
وإذا على أخلاقهم هذا لو فيه بقايا أخلاق عندهم فياحبيبتي لاتخافين أكيد باجي الفريج يعرفهم ويعرف انهم ترللي
عسى الله يفككم من شرهم
الله يعين على هالجيران...احس اليران قبل الحين ماكو خلصوا :)
وصج اعرف ناس باعوا بيوتهم بسبة يرانهم
ولا سالفة يتهاوشون على مسافط السيارات ترى والله عيب
بس مره ثانيه اذا طلبوا منكم شي لا تعطونهم فوق شينهم قواة عينهم
حسبى الله ونعم الوكيل
هذيل ماينفع معاهم الطيب
لكن اجركم على الله
اما يبيعون بيتهم والله يفككم منهم...
او انتو الله يوفقكم وتاخذون بيت احسن منه
( والله لايؤمن والله لايؤمن والله لايؤمن قالوا من يا رسول الله قال من لايامن جاره بوائقه)
حديث شريف
الله يعينكميا شيومة
لول, الجار قبل الدار! .. ده كان زمان : )
شي يعور القلب, الناس صارت ما تحترم كبير و لا صغير الكل مثل بعض عدا اللي مصلحتهم عنده!!!
والله يا أختي الموضوع لو بنتكلم بمثالية راح أقولج .. كفي شرج عن جيرانج ..لكن أنا مو من هالنوع المشكلة !
ساكنين في منطقة كلها من فئة الهنود الحمر ! و قطعتنا بالذات قطعة جياتي و زدات و تقحص و تشفيط ! شراح أتوقع من هيك بشر !!؟
يسكرون على سياراتنا بسبة ان عندهم ديوانية ! زين ديوانية لين متى !!؟ إلى الفجر !!
أنا ما أدور المشاكل .. لكن الواحد يتمنى أن يتجنبها بينما تتحذف عليه أحيانا من جيرانه !!
و الوالد الله يحفظه هم من النوع اللي .. هذوله جيراننا .. هالله هالله فيهم !
افعل خير وقطه بحر والواحد يترفع عن هالاشكال
اختي الكريمة
رسولنا الكريم ( صلى الله عليه واله وسلم), كان صاحب الاخلاق العظيمة و ثقي بالله ان كثير من الكفار امنوا واعتنقوا الاسلام لما شافووا تعامل الرسول الحسن معاهم , لا تقولين لي متى الرسول شاف الاذية مايقارب السنوات بس صبره احرز نتيجة
و بعدين يعني بتروحين و تمدين ايدج عليهم
ماتسوى اهل الاخلاق ينزلون من مستواهم
الله يصلحهم و يهديهم , و الله يعطيج و يعطي بيتكم على قد نياتكم الحسنة
شيووومة
اذا بتهتمين وتفكرين
بتموتين ناقصة عمر
وبعدين سوالف حسن الجيرة ذاك اول
زمن اهلنا مو الحين
المبادئ والمفاهيم ونفوس الناس كلها تغيرت
لا تطوليييين
مثل ما قالت الوالدة
الواحد يسوي بأخلاقه ... اليوم يأذونكم باجر إلا ما بيمر عليهم موقف وبيحسون باللي سووه وبقيمتكم كجيران
وانهم غلطوا بحقكم
في أمور وايدة تكون ردت فعلنا العصبية ومحترقين وحالتنا حالة هذا لما كنا صغار .. لكن الأهل يجارون الوضع ويحاولون يهدونا ومع الوقت ولما كبرنا عرفنا انه اللي سووه كان صحيح ولو عالجنا الأمور بعصبية وبنفس أسلوب جيرانكم جان بدا الزعل بين كل الأطراف
و الواحد ما يسوى عليه يخسر فيها حسناته عشان زلات دنيوية
كان الله في عونكم
الجارقبل الدار.. مقولة شائعة بين الناس، وعلى قدر الجار يكون ثمن الدار، والجار الصالح من السعادة.
اتعجب ممن يؤذي جاره بهذه الطريقه الفظه لو لم يتحل باخلاق الاسلام ووصايا الرسول الكريم بالجار
فاين مشاعر واخلاق الانسان والفطرة الحسنه التي تولد فى كل البشر
حقا اسف وحزين لما حدث معك اصبري على الاذي عل الله ان يهدي من عصاه
wee ykar3oooooon!
@@
bs shtsaween.. btalshtaw feehom..
صباح الورد شيوم :)
شلووونج ؟
يا وخيتي كلن يعمل بصله و تربيه و اخلاقه ابوج و امج الحين طالعين بالزينه جدام الله و خلقه و اهي تلقين كل من يذمها و يتحاشاها مسكينه ما ادري ليش في نوعيه من البشر يحبون الاذيه و التحرش مع انه جااااااار لو الله يهديهم يكونون اهل بس راح زمن اول و تغير معنى الجيره :(
ما عليج بيي يوم يعرفون غلطهم و يستحون من عمرهم .
لا طولييين عيناااا ..
صباح الورد والجوري
غاليتي الحبيبه
هالاوادم في منهم اجناس واجناس
اعوذ بالله من هالاشكال
الله يعينكم عليهم
ضاق خلقي عليكم والله
بس انتوا الاحسن
ترفعوا عن هالاوادم لانهم دون المستوا
تحياتي الدائمه
لج
:*
انقضى زمن الجيرة والعشرة للأسف , وأصبحت الأنانيّة هي من تحكم الطبع !
(عامل الناس بأخلاقك)
الكلمة الطيبة والتصرف الحكيم له أثر ولو كان بعيد :)
ولهنا عليج شيومة :**
هذي المشاركة بس عشان أقول مو مقاطعينج اخيتي .. بس لا تطولين ننتظر البوست اليديد :)
كل عام وانتي بخير شيوووومة
كل عام و انتي بخير خيتوو :)
والله يااختي ما ادري شو اقوولج بالضبط
بس عاامليهم بالحسن والطيب
ولاا تعطونهم ويه
الصراحه ما يستاهلوون الطيب ولاا يستاهلوون احد يعطيهم قيمر لو مني بعطيهم بوكس على عينهم
والله يقهرون من الخاطر
إرسال تعليق