كاسكونا طار طار طار

مع قدوم هذه السنه رحل المجرم وحبيب قلوبنا كاسكو

حلق بالسماء عاليا وأخذ قلوبنا وفكرنا معاه

طار بالأجواء وابتعد والسبب كاتي الأموره قطوتنا السوده

التي أخذت من الدلع والدلال الكثير على الرغم من صغر سنها

بيوم من الايام يت اختي وسولفت عن قطوة رفيجتها اللي بتولد بعد جم يوم

وأكثر وحده استانست أمي

لأنها من عشاق تربية قطاوة الفريج أيام الـستينات وتذكرت الماضي

وتتصل رفيجة إختي وميته من البجي

لأن قطوتها ماتت وعيالها السبعه ما انفطموا

ومشكلتهم أنهم صغار حييييل ويبلهم عنايه خاصه

فكانت بتصرفهم بأي طريقه وبعد جم يوم دقت من يديد

وقالت بعتهم وبقوا ثنتين تعالي اخذي وحده منهم

راحت وخيتي وانكسر خاطرها على قطوه سوده وخذتها

ويت البيت وصارت دلوعه الجميع

وانفتح شريط ذكريات أمي من يديد

المهم برد لموضوعي الأساسي

المعروف عن كاسكونا الغيره الواضحه اللي تقتل والحيله لمن يحتال

وقع مالم يكن بالحسبان

أول مايت كاتي البيت الكاسكو خاف منها وبنفس الوقت خطط شلون يصير صديقها

وبعد جم يوم صار اللي كان يبييييه وصار صديقها الودود بعد

يلعب معاها ويطق مرته علشان كاتي

وحفظ اسمها بعد من كثر ما ينادونها بالبيت

وبيوم من الأيام صارت الفاجعه اللى ماتقع بالحسبان

طااااار الكاسكو

وارتفع بالجووو

وأخوي من صوب يدور عليه وأمي بالسياره تدوره

ماكو اختفى خلااااص راح وأخذ كل شي معاااه

والسبب

كاااتي نطت عليه وخلته يروح بدون رجعه

واهني لازم انطبق المقوله احذر من عدوك مره ياكاسكوو

ومن صديقك مليون مره

كاسكو

افتقدناااك وكله اتييي على بالنا

قفصك بمكانه وكل شي يذكرنا فيك

كل سنه تلعوزنا وتيننا

وماكو ككااااو عندي ماكليته

أبوي يه من السفر وأول مادش دور عليك ومالقاك

وياكثر ماوصانا عليك بسفره

بهالسنه

اختي سحبت ورقة الفايز وخذت مكانك بمرحلة السحب

لأنك عودتنا كل سنه اانت تسحب ورقه وتختار

وهذي أول سنه تمر علينا من دون حسك بالبيت

وتخريبك للرموت

ياترى الحين في أحد مباريك مجابلك

يوكلك ويسولف معاك يسبحك

تقعده من النوم وتقوله وين الفوطه

تدخن زقاير منو ياكاسكو

وتكسر ولاعة منو

تقلد منو يوم يتكلم بالتلفون

تشرب جاي ولا لأ تغمس البسكوت فيه ولا لأ

قاعد تاكل ككاوك المفضل وبطاط نايس

يطقونك ولا مهتمين فيك اللي لقوك

انت حي ولا ميت

ولا قاعد تطير من مكان لي مكان تدور علينا

صج هالكاسكو غير ربيناه وداريناه صار متوحش بس غير

لي مرض أحد فينا انت عند بابه واقف

ومن يتبطل الباب تدش عنده وتقعد عند ريله

وياحلاتك يوم تتجسس وتتسمع علينا

ويوم نسكت ونطالعك علشان تقول عبارتك

ليش ها ليييش

مصختوها يبه ليش

ماخليتنا نقص جناحك لأنك متعود أبوي يقصه دايما

هالمره أبوي طول بالسفر وانت قررت تروح له وتطير؟؟

ولا يزال الأمل موجود أن أحنا نلقااك

ولك وحشه قويه ياكاسكووو